Energetıka mınıstri Almasadam Sátqalıev BAQ ókilderine eldegi munaı qory týraly málimet berdi.
Mınıstr, aldyn ala boljamdar boıynsha, munaı qory 100 jylǵa anyq jetetinin aıtty, dep habarlaıdy Almaty-akshamy.kz Ulysmedia.kz-ke silteme jasap.
«Aldyn ala boljamdar boıynsha, munaı 100 jylǵa anyq jetedi. Biraq bizde perspektıvaly bloktar bar. Úkimet Memleket basshysynyń qoldaýymen jańa modeldegi kelisimshart daıyndady. Ol boıynsha jańa munaı kenishterine barlaý jasaǵandarǵa salmaqty jeńildikter usynylady. Kóptegen kompanıalar ol jeńildikti paıdalandy da. Jeke aıtsaq, «Lýkoıl» sondaı kelisimshartqa qol qoıdy», - dedi Almasadam Sátqalıev Úkimet kýlýarynda.
Mınıstr Ázirbaıjan tarapy da Qazaqstan aýmaǵynda munaı qoryn barlaýǵa nıetti ekenin aıtty.
«Ázirbaıjan Prezıdenti Ilham Álıevtiń sapary kezinde Baký delegasıasy Qazaqstanǵa ınvestısıa salýǵa nıet bildirdi. Olar kómirsýtek kózderin barlaý, ıgerý týraly jańa máselelerdi kóterdi. Qazir energıaǵa degen suranystyń artyp kele jatqanyn eskersek, resýrs bazasyn tolyqtyrýǵa qarajat jumsaýdy jalǵastyrýymyz kerek», - dedi Sátqalıev.
Aıta keteıik, 12 sáýirden bastap AI-92 jáne AI-93 benzıniniń baǵasy lıtrine 182-187 teńgeden 205 teńgege deıin shamamen 11%-ǵa kóteriledi. Al dızel otynynyń baǵasy 20 paıyzǵa - 295 teńgege deıin qymbattaıdy. Eger buryn munaı óndirýshi Qazaqstanda benzın baǵasynyń qymbattaýy eski munaı óńdeý zaýyttary men olardyń qýattylyǵynyń tómendigimen baılanysty dep aıtylsa, qazir barlyq zaýyttardy jańǵyrtý aıaqtalǵan soń, Úkimettiń pikirinshe, qymbatshylyqqa "sur eksport" sebep bolyp otyr.