«Karchag Kınche» óner mýzeıinde (Majarstan) «Qazaqstannyń kóshpendileri: ótkeni men búgini» atty kórme aıaqtaldy.
Ekspozısıaǵa qazaq halqynyń baı tarıhı jáne mádenı murasyn tanytatyn 200-den astam biregeı eksponat qoıyldy, dep habarlaıdy aqshamnews.kz.
Kórmege kelýshilerge urpaqtar sabaqtastyǵynyń sımvolyna aınalǵan Abaı Qunanbaıulynyń dombyrasy usynyldy. Jalpy, kórmeni 12 myńnan astam adam tamashalady.
«Joba úlken qyzyǵýshylyq týdyrdy, bul Qazaqstan men Majarstan arasyndaǵy mádenı almasýdyń mańyzdylyǵyn kórsetedi. Buǵan deıin osyndaı kórmeler Túrkıa, Ońtústik Koreıa, Aýstrıa, Italıa jáne Chehıada ótken. Endi 12 jeltoqsanda Serbıada «Uly Dalanyń mádenı murasy» atty kórme ashylady. Jalpy qala ákimi mádenıet salasy ókilderin damytýǵa yqpal etetin taǵylymdamaǵa, bilim alýǵa baǵyttalǵan jáne halyqaralyq baılanysty nyǵaıtýǵa múmkindik jasaıtyn jobalarǵa erekshe kóńil bóledi jáne sala qyzmetkerlerine úlken qoldaý kórsetýde. Máselen, mýzeı qyzmetkerleri álemniń úzdik mádenı ortalyqtarynda, sonyń ishinde áıgili Lývrda bilim alyp qaıtty», – dedi Almaty qalasy Mádenıet basqarmasynyń basshysy Ǵanı Maılybaev.
Aıta keteıik, kórmeni Almaty qalasynyń mýzeıler birlestigi Almaty qalasy ákimdigi men Qazaqstannyń Majarstandaǵy Elshiliginiń qoldaýymen uıymdastyrdy.