Keı jerlerde shańdy daýyl soǵady.
Shildeniń 8-i kúni Qazaqstannyń kóptegen óńirlerinde jańbyr jaýady, dep habarlaıdy Almaty-akshamy.kz.
Almatyda kóshpeli bult shyǵady, jaýyn-shashynsyz. Jel sekýndyna 2-7 metr. Aýa temperatýrasy túnde + 23+25, kúndiz + 36+38.
«Ońtústik sıklonnyń yqpalymen respýblıkanyń basym bóliginde turaqsyz aýa raıy saqtalady, kún kúrkirep, jańbyr jaýady, batysta jáne soltústik-batysta qatty jańbyr jaýady. Elimizdiń soltústiginde ǵana joǵary qysymdy alqaptyń áserinen jaýyn-shashynsyz aýa raıy kútiledi. Keı jerlerde shańdy daýyl soǵyp, respýblıkanyń batysy, soltústik-batysy men shyǵysynda burshaq jaýýy yqtımal», – delingen «Qazgıdromet» RMK baspasóz qyzmetiniń habarlamasynda.