Bakýde ótip jatqan BUU-nyń Klımattyń ózgerýi týraly negizdemelik konvensıasy (COP29) taraptarynyń 29-shy konferensıasynda Qazaqstan karbondyq eginshilikti damytý jónindegi bastamany kóterdi.
Bul týraly Aýyl sharýashylyǵy mınıstrliginiń resmı saıtynda jarıalandy, dep habarlaıdy aqshamnews.kz
Esterińizge sala keteıik, BUU-nyń Klımattyń ózgerýi týraly negizdemelik konvensıasy taraptarynyń 29-shy konferensıasy sheńberinde ótken klımat salasyndaǵy is-qımyl jónindegi álemdik kóshbasshylar samıtinde sóılegen sózinde, Prezıdent Qasym-Jomart Toqaev ornyqty aýyl sharýashylyǵyna kóshýdiń mańyzdylyǵyn atap ótti.
Memleket basshysy 200 mln gektar aýyl sharýashylyǵy alqaptary bar Qazaqstan «kómirtekti eginshilikti», ıaǵnı qaldyqtardyń shyǵýyn azaıtýǵa jáne topyraq sapasyn jaqsartýǵa múmkindik beretin agrarlyq óndiristiń ádisterin engizý úshin tamasha alań bolyp tabylatynyn atap ótti jáne múddeli taraptardy eldiń osy saladaǵy áleýetin zerdeleýge shaqyrdy.
QR Aýyl sharýashylyǵy mınıstrligi Jer resýrstaryn basqarý komıtetiniń tóraǵasy Murat Temirjanov «Qazaqstandaǵy karbondyq eginshilik: áleýetin ashý» taqyrybyndaǵy saıd-ıvent barysynda karbondyq eginshilikti ilgeriletýde qabyldanyp jatqan sharalar týraly aıtyp berdi.
«Qazaqstanda karbondyq eginshilikti damytý jańa tehnologıalardy ǵana emes, sondaı - aq zańnamalyq pysyqtaýdy talap etedi», - dep atap ótti Murat Temirjanov.
Halyqaralyq jáne ulttyq sarapshylar Qazaqstanda kómirtekti eginshilikti engizý perspektıvalaryn talqylap, Qazaqstannyń kómirtekti eginshilik ádisterin engizý boıynsha kóshbasshy bolýǵa barlyq múmkindigi bar ekenin qorytyndylady. Bul eldiń tehnologıalyq qurylymyn jańartýǵa jáne kóptegen jumys oryndaryn qurý úshin yqpalyn tıgizýi múmkin.
İs-sharany Mınıstrlik FAO-men birlesip Qazaqstan pavılonynda uıymdastyrdy.