Aslambek Merǵalıev saılandy.
Búgin Senattyń jalpy otyrysynda QR Joǵarǵy sotynyń tóraǵasy bolyp Aslambek Merǵalıev saılandy, dep habarlaıdy Almaty-akshamy.kz.
Konstıtýsıaǵa sáıkes, Memleket basshysynyń usynýymen elimizdiń Joǵarǵy sotynyń tóraǵasyn qyzmetinen bosatý jáne saılaý, sondaı-aq onyń antyn qabyldaý Senattyń qaraýyna jatady.
Osy oraıda QR Prezıdenti Ákimshiliginiń basshysy Murat Nurtileý Joǵarǵy Sotynyń tóraǵasy laýazymyna A. Merǵalıevti saılaý týraly Memleket basshysynyń usynymyn tanystyrdy.
«20 jyldan astam sot júıesinde bensendi qyzmet etip keledi. Tájirıbesi mol, bilikti maman. 2020 jylǵy jeltoqsan aıynan bastap Aqtóbe oblystyq sotynyń tóraǵasy laýazymyn atqardy», - dedi M. Nurtileý.
Senattyń jalpy otyrysynda palata depýtattary atalǵan usynymǵa qoldaý bildirip, Joǵarǵy sottyń jańa tóraǵasyn bekitti.
Óz kezeginde Aslambek Merǵalıev QR Joǵarǵy sotynyń tóraǵasy retinde ant berdi.
Aslambek Merǵalıev 1972 jyldyń 2 sáýirinde Pavlodar oblysy Ertis aýdany Qaraqudyq aýylynda týǵan.
1999 jyly zańger mamandyǵy boıynsha Ystambul memlekettik ýnıversıtetin bitirgen.
Sot salasynda 2001 jyldan beri qyzmet istep keledi.
2001-2003 j.j. - Pavlodar oblystyq sotynyń bas mamany;
2003-2007 j.j. - Pavlodar qalalyq sotynyń sýdıasy;
2007-2008 j.j. - Pavlodar oblysy Ekibastuz qalasynyń mamandandyrylǵan ákimshilik sotynyń tóraǵasy;
2008-2012 j.j. - Pavlodar oblysy Ekibastuz qalalyq sotynyń tóraǵasy;
2012 -2014 j.j. - Pavlodar qalalyq №2 sotynyń tóraǵasy;
2014 jyldyń 17 maýsymynan 2015 jyldyń 18 jeltoqsanyna deıin - Soltústik Qazaqstan oblystyq sotynyń qylmystyq ister boıynsha apelásıalyq sot alqasynyń tóraǵasy qyzmetin atqarǵan.
2015 jyldan 2020 jylǵa deıin Qostanaı oblystyq sotynyń tóraǵasy qyzmetin atqardy.
2020 jyldyń 31 jeltoqsanynan bastap búginge deıin Aqtóbe oblystyq sotynyń tóraǵasy bolyp jumys istegen.