Qazaqstan BUU Jarǵysyna qatań sáıkestikte jáne kópjaqty yntymaqtastyqqa degen yqylasyn aıqyn kórsetip otyr. Bul jóninde 2024 jylǵy qyrkúıek aıyndaǵy halyqqa Joldaýynda Prezıdent Qasym-Jomart Toqaev málimdedi. Memleket basshysy elimizdiń halyqaralyq qaýipsizdik pen turaqtylyq máselelerinde belsendi ról atqaryp otyrǵanyn atap ótti, dep habarlaıdy aqshamnews.kz
2024 jyly Qazaqstan birqatar bedeldi halyqaralyq uıymdar men platformalarǵa tóraǵalyq etip, óńirlik jáne jahandyq máselelerdi sheshýge aıtarlyqtaı yqpal etti. Shanhaı yntymaqtastyq uıymy, Túrki memleketteri uıymy, Azıadaǵy ózara is-qımyl jáne senim saralary jónindegi keńes sıaqty uıymdarda Qazaqstannyń tóraǵalyq etýi elimizdiń halyqaralyq yqpalyn nyǵaıtýda mańyzdy qadam boldy.
SHYU-ǵa tóraǵalyq etý barysynda 160-tan astam is-shara uıymdastyrylyp, 60 jańa qujatqa qol qoıyldy. Sondaı-aq, Qazaqstan Eýrazıa ekonomıkasynyń, saýdasynyń jáne kóliktik logıstıkasynyń damý strategıasyna bastamashy boldy. Tóraǵalyqtyń negizgi sharasy retinde Astana samıti ótti, bul óńirlik jáne halyqaralyq deńgeıde yntymaqtastyqtyń jańa múmkindikterin ashty.
Qazaqstannyń osyndaı jetistikteri elimizdiń halyqaralyq saıasattaǵy mańyzdy rólin taǵy da aıqyndap otyr.