Qurlyq birinshiligi Bratıslava qalasynda ótti.
Jerlesterimiz toptyq kezeńde qatarynan bes oıynda jeńiske jetip, jartylaı fınalda Ýkraınany tize búktirdi. Al aqtyq machta aıdyn ıelerin 9:1 esebimen oısyrata utty. Ulttyq quramanyń deni Oraldyń «Aqjaıyq» dopty hokeı komandasynyń túlekterinen jasaqtaldy. Jergilikti jankúıerler dańqty jerlesterin áýejaıda zor qoshemetpen kútip aldy. Aıta ketý kerek, qazaq bendıshileri Eýropa chempıonatyna alǵash ret qatysyp, birden jeńis tuǵyrynan kórindi.
«Óte qyzyqty, tartysty oıyndar ótti. Jeńil boldy dep aıta almaımyn endi. Jeńispen kelip otyrmyz. Slovakıanyń ózi myqty, Shveısarıa. Sondaı maqsatpen bardyq qoı. Birinshi oryndy utamyz degen maqsatpen bardyq, jeńil bolǵan joq», - deıdi ulttyq qurama komandanyń qaqpashysy Berjan Ahmetjanov.
«Eýropa chempıonaty jylda tamyz aıynda ótedi. Ol kezde bizde maýsym áli bastalmaǵandyqtan buryn qatyspaýshy edik. Bıyl birinshi ret bardyq. Eki juma erte daıyndyqty bastadyq. Chempıonat eki kúnde ótti. Bir kúnde 4 kezdesý boldy. Ońaı emes árıne. Jigitterge rızamyn. Jaqsy oıyn kórsetti. Endi alda Qazaqstan kýbogy. Odan keıin Reseıdiń ashyq birinshiligi. Al naýryz aıynda Shvesıadaǵy álem chempıonatyna qatysamyz», - deıdi dopty hokeıden ulttyq qurama komandanyń aǵa jattyqtyrýshysy Nıkolaı Shavaldın.