Sot úkim shyǵardy.
Nur-Sultan soty burynǵy Qorǵanys mınıstri Murat Bektanovty eki aıǵa qamaýǵa alý týraly úkim shyǵardy, dep habarlady Almaty-akshamy.kz.
«2022 jyldyń 22 aqpanynda Nur-Sultan qalasynyń mamandandyrylǵan aýdanaralyq tergeý soty kúdikti Murat Bektanovqa qatysty eki aı merzimge qamaýǵa alý túrindegi bultartpaý sharasyn sanksıalady», - delingen sot habarlamasynda.
Sotaldy tergep-tekserýdiń basqa derekteri Qylmystyq is júrgizý kodeksiniń 201-babyna sáıkes jarıa etýge jatpaıtyny aıtyldy.
Buǵan deıin burynǵy qorǵanys mınıstri Murat Bektanov ýaqytsha ustaý ızolátoryna qamalǵany habarlanǵan bolatyn.
Aıta keteıik, Prezıdent 19 qańtarda Bektanovty synǵa alyp, qyzmetinen bosatqan bolatyn. Toqaevtyń aıtýynsha, Murat Bektanov Qazaqstandaǵy tártipsizdikter kezeńinde komandır retinde qabiletin kórsete almaǵan.