Amerıkalyq Forbes jýrnaly Azıa-Tynyq muhıty óńiriniń ókilderi arasyndaǵy 30 jasqa deıingi áleýeti zor sportshylardyń tizimin jarıalaǵan.
Oǵan Qazaqstannyń birinshi raketkasy Elena Rybakına engen, dep habarlaıdy Almaty-akshamy.kz.
«Taǵy bir bolashaǵy jarqyn sportshy - bul Elena Rybakına. Ol - «Ýımbldon» týrnırin jeńip alǵan alǵashqy qazaqstandyq. Qazirgi ýaqytta tenısshi álemdik reıtıńte tórtinshi satyda tur jáne 10 mıllıon dollarǵa jýyq tabys tapty», - delingen habarlamada.
Eske sala keteıik, jaqynda Elena Rybakına Rım WTA 1000 týrnıriniń jeńimpazy atandy. Ol fınalda Ýkraına ókili Angelına Kalınınadan basym tústi. Qazirgi ýaqytta qazaqstandyq tenısshi álemdik reıtıńte 4-orynda tur.