Densaýlyq saqtaý mınıstrliginiń Medısınalyq jáne farmasevtıkalyq baqylaý komıteti Ekibastuzdaǵy jeke klınıkada ekpe alyp, keıin qaıtys bolǵan 40 jastaǵy er adamnyń ólimine baılanysty tekserýdi bastady, - dep habarlaıdy aqshamnews.kz tilshisi.
Bul týraly Medısınalyq jáne farmasevtıkalyq baqylaý komıtetiniń resmı saıtynda habarlandy.
"Densaýlyq saqtaý mınıstrliginiń Medısınalyq jáne farmasevtıkalyq baqylaý komıteti Pavlodar oblysy boıynsha departamenti táýelsiz sarapshylardy (terapevt dáriger, anestezıolog-reanımatolog, travmatolog) tarta otyryp, Ekibastuz qalasy polısıa basqarmasynyń tergeý bólimi qaýlysynyń negizinde pasıenttiń marshrýty boıynsha medısınalyq uıymdarda tekserýler júrgizip jatyr", - dep málimdedi komıtetten.
Tekserý barysynda zańbuzýshylyqtar anyqtalǵan jaǵdaıda materıaldar quqyqtyq baǵa berý jáne prosestik sheshim qabyldaý úshin Ekibastuz qalasy polısıa basqarmasynyń tergeý bólimine joldanatyn bolady.
Buǵan deıin Ekibastuz turǵyny aıaǵyna salynǵan ıneksıadan keıin qaıtys bolǵany týraly jazǵanbyz. 40 jastaǵy er adam qyrkúıek aıynda jeke klınıkanyń kómegine júgingen. Arada bir apta ótkende er adam aıaq astynan dúnıeden ozǵan.