Sınoptıkter jyly qońyr kúz jalǵasyn tabatynyn boljap otyr.
«Qazgıdromet» mamandary 22-24 qyrkúıek kúnderi aýa raıy qandaı bolatynyn boljady, dep habarlaıdy Almaty-akshamy.kz.
«Jyly qońyr kúz Qazaqstan turǵyndaryn áli de qýantady. Elimizdiń basym bóliginde qurǵaq jáne shýaqty aýa raıy saqtalady, tek Respýblıkanyń batys óńirleri men ońtústik-shyǵysyndaǵy taý bókterindegi aýdandarynda atmosferalyq frontaldy bólikterdiń áserinen ótkinshi jańbyr jaýyp, naızaǵaı kútiledi jáne jel kúsheıedi»,- delingen mamandardyń boljamynda.
Túngi ýaqytta aýa temperatýrasy áli de salqyn bolǵanymen, termometr baǵandary kúndizgi ýaqytta búkil Qazaqstan boıynsha 20-34 gradýs sheginde saqtalady jáne tek elimizdiń batysynda ǵana aýa temperatýrasynyń azdaǵan tómendeýi boljanady.