Soltústik antısıklonnyń áseri bolady.
«Qazgıdromet» mamandary 1-3 qazan kúnderi aýa raıy qandaı bolatynyn boljady, dep habarlaıdy Almaty-akshamy.kz.
Soltústik antısıklon jotasy yqpalymen Qazaqstan aýmaǵynyń basym bóliginde aýa raıy jaýyn-shashynsyz, ashyq bolady. Tek elimizdiń batys, ońtústik jáne ońtústik-shyǵys aımaqtary fronttardyń áserinde bolady, jańbyr jaýady, ońtústik-shyǵystyń taýly jáne taý bókterindegi aýdandarynda jaýyn-shashyn (jańbyr, qar) kútiledi.
«Túngi ýaqytta respýblıkanyń ońtústigi men ońtústik-shyǵysynda topyraq betinde 1-3 gradýs úsik kútiledi. Eldiń batysy men ońtústiginde jel kúsheıýi yqtımal», - delingen sınoptıkterdiń habarlamasynda.
Jalpy, Qazaqstan boıynsha aýa temperatýrasynyń joǵarylaýy múmkin: kúndiz elimizdiń batysynda negizgi fon 17-28 gradýs jyly, soltústik-batysta 5-18 gradýs jylydan 8-23 gradýs jylyǵa deıin, soltústikte 0-8 gradýs jylydan 2-11 gradýs jylyǵa deıin azdaǵan joǵarylaýy boljanady, ortalyqta 3-15 gradýs jyly, shyǵysta 0-8 gradýs jylydan 2-10 gradýs jylyǵa deıin azdaǵan joǵarylaýy kútiledi, ońtústikte negizgi fon 10-22 gradýs jyly, ońtústik-shyǵysta 7-13, taýly aýdandarda 2 gradýs jylydan 12-18 gradýs jyly, taýly aýdandarda 9 gradýs jylyǵa deıin joǵarylaýy kútiledi.