Qazirgi tańda ıadrolyq tehnologıalardyń kómegimen ekonomıkanyń barlyq sektorlary qarqyndy damyp keledi.
Argentınada turatyn halyqaralyq sarapshy Marselo Salvatore osyndaı pikir bildirip, Qazaqstannyń atom energetıkasyn damytýdaǵy mańyzyn atap ótti, dep habarlaıdy aqshamnews.kz.
1956 jyly Argentına Latyn Amerıkasynda alǵash ret elektr stansıasyn iske qosqan el boldy. Búgingi kúni eldiń energetıkalyq qajettiliginiń 6%-in qamtamasyz etetin 3 atom elektr stansıasy jumys istep tur. Argentına tek óz qajettilikterin ótep qana qoımaı, ıadrolyq saladaǵy múmkindikterin jahandyq deńgeıde kórsetip otyr.
Marselo Salvatore, NAC International bas keńesshisi: "Qazaqstannyń ıadrolyq otyn sıkline qosqan úlesi orasan zor. Bul salany damytý arqyly el óziniń resýrstaryn tolyqtyryp, energetıkalyq turaqtylyqqa qol jetkizedi. Atom energıasy Argentına úshin de negizgi basymdyq boldy. Biz ıadrolyq tehnologıalardy paıdalaný arqyly ekonomıkanyń ózge salalaryna jańa múmkindikter ashamyz dep sendik jáne senimimizdi jalǵastyrýdamyz. Eń bastysy — barynsha kúsh salyp, jumys istep, bilimdi tıimdi paıdalaný. Árıne, saq bolý qajet, biraq qorqýdyń qajeti joq."
Qazaqstan úshin atom energetıkasyn damytý — jańa múmkindikterdiń bastaýy, turaqty ári tıimdi bolashaqqa qadam.