1993 jylǵy ekinshi sáýirde Prezıdenttiń Jarlyǵymen Qazaqstan Respýblıkasynyń Áskerı-teńiz kúshteri quryldy.
Qarýly kúshterdiń bul ásker túri batys strategıalyq baǵytynda qol suǵylmaýshylyqty, elimizdiń aýmaqtyq tutastyǵyn qorǵaýǵa arnalǵan, dep habarlaıdy Almaty-akshamy.kz.
Áskerı-teńiz kúshteri teńizde júzýdiń navıgasıalyq-gıdrografıalyq qaýipsizdigin qamtamasyz etedi, Tótenshe jaǵdaılar mınıstrliginiń qyzmetterimen birge izdestirý-qutqarý jumystaryn júrgizedi, memlekettik organdarǵa tabıǵatty qorǵaý jáne baqylaý fýnksıalaryn júzege asyrý kezinde kómek kórsetedi.
Qazirgi kezeńde Áskerı-teńiz kúshterine jaǵalaýdaǵy baılanys, teńiz jaıaý áskerleri, arnaıy maqsattaǵy jáne qamtamasyz etý bólimsheleri kiredi. Áskerı korablder zamanaýı qarý-jaraqpen jasaqtalǵan.
Bıylǵy jylǵa «Birlestik-2024» oqý-jattyǵýyn ótkizý josparlanǵan, onyń barysynda teńizdegi kórinister, desant túsirý, birlesken artılerıalyq atystar men jaýyngerlik jattyǵýlar pysyqtalady.
Áskerı-teńiz kúshteriniń quramynda otandyq jáne sheteldik sońǵy úlgidegi korablder bar. Eldiń qorǵanys-ónerkásiptik kesheni bul áskerdi zamanaýı tehnıkamen qamtamasyz etedi.
Byltyrdan beri Áýe qorǵanysy kúshteriniń áskerı ınstıtýtynda áskerı teńizshilerdi «áskerı istegi teńiz tehnıkasy jáne tehnologıalar» mamandyǵy boıynsha daıarlaý júzege asyrylýda. Teńiz mamandyǵynyń negizderin bolashaq shtýrmandar men mehanıkter Aqtóbe áskerı oqý ornyndaǵy áskerı-teńiz pánderi kafedrasynda, al beıindik pánderdi úshinshi-besinshi kýrstarda – Aqtaý qalasynyń Sh. Esenov atyndaǵy Kaspıı tehnologıalar jáne ınjınırıń ýnıversıtetiniń bazasynda meńgeredi. Áskerı teńizshilerdi Aqtaý q. Áskerı-teńiz kúshteriniń oqý-jattyǵý ortalyǵynda da oqytady, onda jas býyn korabl qyzmetiniń uıymdastyrylýymen jáne olardyń qurylysymen tanysady.
Áskerı-teńiz kúshteri ofıserleriniń biliktiligin arttyrý jáne oqytý – Germanıa, Qytaı, Reseı, AQSH, Túrkıa jáne Ońtústik Koreıanyń jetekshi áskerı oqý oryndarynda uıymdastyrylady.
Kásibı sheberlik, janqıarlyq qyzmet jáne rýhtyń beriktigi – áskerı teńizshilerdi ereksheleıtin qasıetter. Olarǵa eldiń birligin, aýmaqtyq tutastyǵyn jáne ekonomıkalyq múddelerdi qorǵaý jóninde asa jaýapty mindetter júktelgen.