Qaýymdastyqtyń Jarǵysy bekitildi
Ulttyq jobanyń ár jyldardaǵy jeńimpazdary birigip, «Qazaqstannyń 100 jańa esimi» qaýymdastyǵyn qurdy. Qaýymdastyqtyń ashylý saltanaty 22 qazanda elordada ótti, dep habarlaıdy Almaty-akshamy.kz Egemen.kz-ke silteme jasap.
«Qazaqstannyń 100 jańa esimi» jobasynyń jeńimpazdary bas qosqan jınalysta qaýymdastyqtyń Jarǵysy bekitilip, qaýymdastyqtyń músheligi, uıymdastyrýshylyq máseleleri, qurylymy sekildi birqatar suraqtar talqylandy. Sonymen qatar, uıymnyń jáne atqarýshy organnyń quramy anyqtaldy. Qaýymdastyqtyń damý strategıasy talqylanyp, birlestik jumysynyń negizgi qaǵıdattary aıqyndaldy.
Qaýymdastyqtyń negizgi maqsaty – elimizdiń turaqty damýyn qamtamasyz etý úshin «100 jańa esim» jobasy jeńimpazadrynyń kúshteri men tájirıbelerin biriktirip, qazaq jastarynyń belsendiligin arttyrý.
Asosıasıa qyzmeti medısına, bilim jáne ǵylym, mádenıet pen sport, bıznes jáne ekologıa salalaryn qamtyp, Qazaqstan Respýblıkasynyń barlyq aımaqtaryna júzege asatyn bolady.
Jıyn qatysýshylary Ulttyq jobasynyń barlyq belsendi jeńimpazdaryna «Qazaqstannyń 100 jańa esimi» qaýymdastyǵyna múshe bolýǵa shaqyrdy.
Qaýymdastyqtyń negizgi qozǵaýshy kúshi jobanyń belsendi jeńimpazdarynan turatyn elimizdiń kórnekti jáne bolashaǵy zor kásibı mamandar qoǵamdastyǵy boldy, olardyń qatarynda ǵalymdar, dárigerler, sportshylar, dızaınerler, mádenıet qaıratkerleri men bıznes ıeleri bar.