Gýmanıtarlyq kómek Aleppo qalasyna Qazaqstan Ulttyq gvardıasynyń tórt reısimen attandy.
Qazaqstan Azyq-túlik qaýipsizdigi jónindegi Islam uıymynyń (IOFS) qoldaýymen jer silkinisinen zardap shekken Sırıaǵa 50 tonna gýmanıtarlyq kómek jetkizdi, dep habarlaıdy Almaty-akshamy.kz
Atap aıtqanda, Qazaqstan memlekettik rezervten konserviler, jyly kıim, qysqy shatyrlar, tósek-oryn jáne tósek jabdyqtaryn jóneltti. Gýmanıtarlyq kómek Aleppo qalasyna Qazaqstan Ulttyq gvardıasynyń tórt reısimen jetkizildi.
IOFS bas dırektory Erlan Baıdáýlet Qazaqstan Prezıdenti Qasym-Jomart Toqaevtyń tapsyrmasymen júktiń jetkizilýin baqylaý úshin Sırıaǵa ózi attandy.
Júkti tapsyrý rásimine Aleppo gýbernatorynyń orynbasary Abdel Kader Davaalıbı, Aleppo áýejaıynyń dırektory Muhammed ál-Masrı, Sırıa Qyzyl Jarty aı uıymynyń ókilderi Samır Shýbýkı, Ahmad Samýn, Anas Samaa, sondaı-aq Qazaqstannyń Lıvandaǵy Elshisi Rasýl Jumaly qatysty.
Qabyldaýshy eldiń atynan sóz alǵan Aleppo gýbernatorynyń orynbasary Abdel Kader Daýaalıbı Qazaqstan halqyna sheksiz alǵysyn bildirdi. Onyń aıtýynsha, qıyn-qystaý kezeńde qol ushyn sozyp, kómek kórsetken qazaq halqy eshqashan umytylmaıdy.
«Sırıa, Túrkıa jáne basqa da elderde jer silkinisinen zardap shekkenderdiń otbasylaryna qaıǵyryp kóńil aıtamyn. Bizdiń komanda jaǵdaı tezirek sheshiledi dep úmittenip, erjúrek qutqarýshylarǵa qajyrly eńbegi úshin shyn júrekten alǵys bildiredi», - dedi IOFS bas dırektory E. Baıdáýlet.