Jazda Vetnam, Taıland, Egıpet jáne Grýzıaǵa ushatyn reısterdiń sany aıtarlyqtaı arta túspek
Búginde elimizden halyqaralyq baǵytta 28 elge 121 marshrýt boıynsha aptasyna 567 reıs jıiligimen ushaqtar ushyp, jolaýshylardy tasymaldaıdy, dep habarlaıdy Almaty-akshamy.kz QR Kólik mınıstrligine silteme jasap.
Reısterdiń basym bóligi Reseı Federasıasyna jóneltiledi. Atap aıtqanda, aptasyna 31 áýe baǵyty boıynsha Máskeý, Sankt-Peterbýrg, Ekaterınbýrg, Mıneralnye vody, Qazan, Sochı, Krasnoıarsk, Novosıbırsk, Mahachkala jáne Groznyı qalalaryna 139 reıs oryndalady.
Al Túrkıaǵa 18 áýe baǵyty boıynsha Stambýl, Ankara, Antalıa qalalaryna aptasyna 125 reıs jıiligimen jáne Birikken Arab Ámirlikteriniń Dýbaı, Abý-Dabı, Shardja qalalaryna 58 reıs 6 áýe baǵyty boıynsha uıymdastyrylǵan. Qazaqstannan Qytaı Halyq Respýblıkasyna qatynaıtyn ushaqtar Beıjiń, Úrimshi, Sıan, Hanchjoý, Saná syndy qalalardy qamtyp, 9 áýe baǵyty boıynsha aptasyna 43 reıs júzege asyrylady.
Aıta keterligi, bıyl jazda jolaýshylardy Vetnamǵa, sonymen birge Taıland, Egıpet jáne Grýzıa memleketterine tasymaldaıtyn áýe reısteriniń sany aıtarlyqtaı arta túspek.