Elden kóship ketýshiler kóbeıgen
Kóshi-qon qyzmeti organdarynan alynǵan Ulttyq statısıka búrosynyń derekteri boıynsha osy jyldyń qańtar-tamyz aılarynda Qazaqstanǵa 6 339 adam kelse, elden 22 685 adam ketti, dep habarlaıdy Almaty-akshamy.kz
Negizgi kóshi-qon almasýy TMD memleketterimen júredi.
«TMD elderinen kelgenderdiń úlesi 84,1%-dy, kóship ketkenderdiń úlesi jalpy kóship-qonýshylar sanynyń 86,1%-yn qurady», dep jazady statısıka búrosy.
Ótken jyldyń qańtar-tamyz aılarymen salystyrǵanda, respýblıka sheginde kóship-qonýshylardyń sany 7,3%-ǵa artty.
Óńiraralyq oryn aýystyrýlar boıynsha halyqtyń kóshi-qonynyń oń saldosy eldiń 4 óńirinde qalyptasty: Almaty (20 235 adam), Nur-Sultan (18 390 adam), Shymkent (9 276 adam) qalalarynda jáne Mańǵystaý oblysynda (346 adam).