«Drýjba» munaı qubyry qarastyrylýda.
«QazMunaıGaz» UK AQ Qazaqstannan Germanıaǵa munaı jetkizý úshin qandaı baǵyttar qarastyrylyp jatqanyn aıtty, dep habarlaıdy Almaty-akshamy.kz.
21 jeltoqsanda QazMunaıGaz 2023 jyldyń qańtarynda Germanıaǵa munaı jóneltý múmkindigin qarastyryp jatqany jarıalanǵan edi.
«Qazaqstannan Germanıaǵa munaı jetkizý úshin Atyraý-Samara baǵyty jáne odan ári «Drýjba» munaı qubyry qarastyrylýda. Naqty kólemderi áli anyqtalǵan joq jáne ol qazaqstandyq júk jóneltýshiler úshin munaı jetkizýdiń qoldanystaǵy baǵyttarymen salystyrǵanda osy baǵyttyń tıimdiligine baılanysty bolady», - dep jaýap berdi ulttyq kompanıa agenttik saýalyna.
Kompanıanyń habarlaýynsha, "Transneft" júıesimen munaıdy eksportqa tasymaldaý qazaqstandyq taraptyń ótinimimen júrgizilýde. Qazirgi ýaqytta Reseı tarapy Germanıa baǵytynda «Drýjba» munaı qubyry arqyly qazaqstandyq munaı jetkizýge kelisý máselesin pysyqtap jatyr. Tıisti ótinimdi qazaqstandyq tarap jibergen.
2021 jyly Atyraý-Samara arqyly 12,2 mln tonna munaı, onyń ishinde 1 mln tonna Pavlodar munaı-hımıa zaýytynyń ónimi Tuımazy-Omby-Novosibir-2 munaı qubyry arqyly tasymaldanǵan.
Al 2022 jyldyń qorytyndysy boıynsha tasymaldaý kólemi 10,4 mln tonnaǵa deıin tómendeıdi dep kútilýde, biraq burynǵy tasymaldaý kólemi Pavlodardaǵy zaýytta 1 mln tonnaǵa deıin saqtalady.