Qazaqstan Respýblıkasy Qarjy mınıstrliginiń Memlekettik kirister komıteti elimizge turmystyq pırotehnıkalyq zattardyń ımporty boıynsha qyzyqty statısıkamen bólisti.
Aǵymdaǵy jyldyń qańtar-qarasha aılary aralyǵynda elimizge jalpy salmaǵy 231,1 tonna quny 663,9 myń AQSH dollaryn quraıtyn otshashýlar ımporttalǵan, Oǵan petardalar, fontandar, otshashý batareıalary, bengal ottary, túrli-tústi tútinder, jer ústi otshashýlary jáne basqa da turmystyq pırotehnıkalyq zattar kirdi. Mundaı zattardy negizinen ımporttaýshy el - Qytaı, dep habarlaıdy almaty-akshamy.kz.
Germanıadan, Ulybrıtanıadan jáne AQSH-tan jalpy salmaǵy 0,1 tonna, quny 17,6 myń AQSH dollaryn quraıtyn otshashýdy az mólsherde ákelgen. 2022 jylmen salystyrǵanda aǵymdaǵy jyly elge quny 215,0 myń AQSH dollaryna, 71,8 tonnaǵa kóp pırotehnıkalyq zattar ımporttalǵan. Ótken jyldyń qańtar-qarasha aılarynda Qazaqstanǵa jalpy salmaǵy 159,4 tonna, quny 448,9 myń AQSH dollary bolatyn otshashýlar jetkizildi. 2022 jyly, sondaı-aq 2023 jyly negizgi jetkizýshi Qytaı, az mólsherde Germanıadan, Grýzıadan, Kıprden, Norvegıadan, AQSH-tan, Chernogorıadan jáne Chehıadan ımporttalǵan.
Eskertpe: materıaldyń negizi retinde Qazaqstan Respýblıkasynyń úshinshi eldermen (EAEO quramyna kirmeıtin) kedendik statısıkasy, deklarasıalanǵan kedendik qun negizinde soma, salmaǵy – netto paıdalanyldy.