Almaty-akshamy.kz saıtynda búgin jarıalanǵan jańalyqtarǵa sholý – kún kerýeni
Qazaq balasynyń álemdik operasy
«Qazaq Mosarty» Rahat-Bı Ábdisaǵın Shotlandıanyń eń ataqty patshalarynyń biriniń 750 jyldyǵyna oraı opera jazdy. «Brús» operasy Rahat bıdiń Shotlandıa Koróldik konservatorıasyndaǵy doktorlyq zertteýiniń bir bóligi retinde jazylǵan jáne Djon Barbýrdyń (shamamen 1375 j.) ortaǵasyrlyq poemasyna negizdelgen. Lıbretto Shotlandıanyń eń áıgili patshalary men áskerı jetekshileriniń biri Robert I Brústiń tarıhyn baıandaıdy. Robert Brústiń áskerı jetistikteri Shotlandıanyń táýelsizdigin saqtaýda mańyzdy ról atqardy.
Premera bolatyn jer kezdeısoq tańdalǵan joq, dál Glazgo soborynda Robert I Brús Shotlandıa koroli retinde alǵash ret tanyldy.
«Batystyń bedeldi konservatorıasynda bilim alyp, álemdik ónerge óz úlesimdi qosýǵa múmkindik bergen «Bolashaq» halyqaralyq stıpendıasy men Qazaqstan Respýblıkasynyń Ǵylym jáne joǵary bilim mınıstrligine alǵysymdy bildiremin», – dedi Rahat-Bı Ábdisaǵın.
Qys qaharyna mindi
Sol sebepti elimizdiń birqatar óńirinde mektep oqýshylary onlaın oqýǵa kóshti. Sabaqty mektepte oqytýdan bas tartqan negizinen qysy sýyq soltústik pen ortalyq aımaq jáne Shyǵys Qazaqstan oblysy.
«Ańdamaı sóılegen...»
Tına Kandelakıdiń kosmetıkalyq brendine de Qazaqstanda endi oryn joq. Reseılik jýrnalıs Tına Kandelakıdiń Ansaligy brendiniń qazaqstandyq saıty ashylmaı tur. Qazaqstanda orys tiliniń qoldanys aıasy tarylyp bara jatyr dep daý týdyrǵan Tınanyń Ansaligy brendiniń taýarlary eldegi «Zolotoe ıabloko», «Beautymania», «Mon amie» sekildi iri kosmetıkalyq dúken saıttarynan joǵala bastady.
Jalaqyǵa jarymaǵan...
Mańǵystaýlyq órt sóndirýshiler jumysqa shyǵýdan bas tartty. Olar áleýmettik jaǵdaılaryna narazylyq bildirip, beıneúndeý joldaǵan.
Ózderiniń aıtýynsha, aılyq 130-150 myń teńge aralyǵynda, eńbek demalysyna 80 myń teńge tólenedi.
«Aılyǵymyzdy 350 myń teńgege kóterip, áleýmettik paketti qosyp, densaýlyqqa zıandy aımaqta júrgendikten sút jáne taǵy basqa paıdaly azyqpen qamtamasyz etilsin. Jyl saıyn beriletin merekelik syıaqylar 100% berilsin. Sapaly, ólshemi durys kıim berilsin. Jumysshylardy qýdalamaýdy suraımyz. Osy talaptarymyz oryndalmaıynsha, jumysty toqtatyp turamyz!», dedi narazy qutqarýshylar.
Aıaq kıimdi tańbalaý merzimi taǵy uzartyldy
Buǵan deıin qoımalarda qalǵan aıaq kıimderdi tańbalaý merzimi 2024 jyldyń 1 aqpanyna deıin uzartylǵan edi. Endigi merzim 2024 jyldyń 1 maýsymyna deıin sozyldy. Indýstrıa jáne qurylys mınıstriniń 2024 jylǵy 13 aqpandaǵy buıryǵymen aıaq kıim ónimderin tańbalaý jáne qadaǵalaý qaǵıdalaryna tıisti ózgerister engizildi. Buıryq 2024 jylǵy 27 aqpanda kúshine enedi.
Aıyppul arqalaǵan «Kazsınk»
Úlbi ózenin lastaǵan. Tekserý kezinde Ekologıa departamenti mamandary alǵan sarqyndy sýlardyń synamalarynda marganestiń 4,5 ese artyq mólsheri anyqtaldy. Sondaı-aq tazartý qurylystaryn durys paıdalanbaý saldarynan Úlbi ózenine kóptegen aǵyndar oryn alǵany anyqtaldy, jospardan tys tekserý qorytyndysy boıynsha «Qazsınk»-ke JSHS-ne 50 mıllıon teńge kóleminde ákimshilik aıyppul salyndy.
Qazaqstan dárigerlerin Japonıamen birigip daıyndamaq
Densaýlyq saqtaý mınıstrliginde Japonıanyń Nagoıa ýnıversıtetiniń profesory Eıko Iamamotomen bolǵan kezdesýde eki eldiń densaýlyq saqtaý salasyndaǵy yntymaqtastyq máselesi talqylandy.
QR Densaýlyq saqtaý mınıstri Aqmaral Álnazarova Nagoıa ýnıversıtetiniń profesory Eıko Iamamotoǵa óz usynysyn aıtty. Ol mınıstrliktiń jas dárigerler men densaýlyq saqtaý menedjerlerin daıyndaý isinde japon mamandarymen áriptestikti nyǵaıtýǵa daıyn ekenin aıtty.
Qyrkúıekten bastap mektep ájethanalaryna jańa talaptar engiziledi
Jalpy bilim beretin mektepter men arnaıy bilim berý uıymdaryn dárethanamen qamtamasyz etýge qatysty tarmaq qosyldy. Mundaı nysandardyń sanıtarlyq toraptarynda dárethanalar, qoljýǵyshtar, qol jýýǵa jáne keptirýge arnalǵan quraldar, dárethana qaǵazyn ustaǵyshtar, qoqys jáshikteri ornatylǵany aıtylady. Bul rette sanıtarlyq toraptar dárethana qaǵazymen qamtamasyz etilgen. Mektepaldy daıarlyq synyptaryna arnalǵan mekemelerde balalar dárethanasy ornatylǵan. Stýdentter men oqýshylarǵa arnalǵan dárethanalar esikteri bar kabınalarda ornalasqan.
Nursultan Nazarbaev qamaýǵa alyndy
Biraq bul Qazaqstannyń burynǵy Prezıdenti emes, onyń 23 jastaǵy attasy, Nursultan Nazarbaev esimdi júrgizýshi. Polısıanyń tekserýinen óte almaǵan júrgizýshi 15 kúnge qamaýǵa alyndy.Nazarbaev kólik quralyn jeti jyl merzimge basqarý quqyǵynan aıyryldy.
Qazaqstandyq ǵalymdar tabıǵı jemshóp jasap shyǵardy
Olardyń jobasyn QR Ǵylym jáne joǵary bilim mınıstrliginiń Ǵylym Qory qoldap otyr. S.Seıfýllın atyndaǵy Qazaq agrotehnıkalyq zertteý ýnıversıtetiniń veterınarıa ǵylymdarynyń kandıdaty, profesor M. A. Iýrıı Baldjıdiń jetekshiligimen aýyl sharýashylyǵy janýarlary men qustarǵa arnalǵan baıytylǵan ekstrýdtalǵan qurama jem jáne jemshóp qospalary ázirlendi.
«NFT-KATU» JSHS-niń shyǵarylatyn ónim jelisi bıojolaqtar túrindegi aralar varroatozymen kúresýge arnalǵan preparattardy qosý, ıtterge arnalǵan azyq-túlik, al bolashaqta mysyqtarǵa jáne balyqtardyń baǵaly tuqymdaryna arnalǵan azyq-túlik daıyndaý arqyly keńeıdi.
Pákistan kýrsanttary Qazaqstanda bolyp qaıtty
Pákistandyq áskerı qyzmetshiler mundaı saparlarǵa óńirmen, áskerı oqý oryndarynyń tynys-tirshiligimen tanysý jáne baılanys ornatý maqsatynda Ortalyq Azıa elderi boıynsha jyl saıynǵy týr sheńberinde shyǵady. Sheteldik delegasıanyń basshysy áskerı kolej kafedrasynyń bastyǵy brıgadalyq general Vasım Kýasır mundaı kezdesýler tanymdyq jáne praktıkalyq turǵydan paıdaly ári kýrsanttarǵa tájirıbe men bilim almasý múmkindigi dep sanaıdy.
Qazaqstanǵa qaıtarylǵan «Qazaqstan»
Almaty prokýrorlary «Qazaqstan» shıpajaıyn memleket menshigine qaıtardy. 2013 jyly shıpajaı dırektory "Qazaqstan" shıpajaıdyń barlyq múlkin kepilge qoıyp, kiristi jasandy túrde arttyryp, ǵımarattardy jóndeýge 2,6 mıllıard teńge nesıe alǵan.Almaty qalasy prokýratýrasynyń apelásıalyq shaǵymy boıynsha birinshi satydaǵy sottyń sheshimi ózgertilip, bul soma 1,8 mlrd teńgege deıin qysqartyldy.
680 mıllıon jymqyrǵan...
Almaty oblysy İle aýdandyq bilim bóliminiń basshysy sybaılas jemqorlyqqa qatysy bar degen kúdikke ilindi. Sottyń sanksıasymen kúdikti qamaýǵa alyndy. Tergeý jalǵasyp jatyr. Qylmystyq is júrgizý kodeksiniń 201-babyna sáıkes, tergeý múddesin kózdeıtin ózge aqparat jarıalaýǵa jatpaıdy.
Jándikter nege jaryqqa úımeleıdi?
Belgili bolǵany, qarańǵyda jándikter jaryqqa umtylmaıdy eken. Jaryq olardy baǵytynan jańyldyrady, dáliregi, navıgasıalyq júıesine kedergi keltiredi. Gravıtasıaǵa arqa súıeı almaı qalatyndyqtan jándikter jaryq mańynan uzap kete almaıdy. Evolúsıa barysynda jándikter tabıǵattaǵy jaryq kózi – aspanǵa jotasyn berýdi úırengen. Tik qalpynda qalýy úshin. Al keshki jaryq bul júıeden adastyrady.