Jańa ereje 2022 jyldyń 15 qańtarynan bastap kúshine enedi.
Qazaqstan Respýblıkasynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń sheshimine sáıkes, Qazaqstanǵa kirýdiń jańa erejeleri engiziletinin málimdedi, dep habarlaıdy Almaty-akshamy.kz
Qujatqa sáıkes, Qazaqstanǵa shetelden ushyp keletin barlyq jolaýshylar (sonyń ishinde vaksına alǵandar) COVID-19 teris nátıjesin kórsetetin PTR anyqtamasyn usynýy tıis.
Anyqtama materıal synamasy alynǵan kúnnen bastap Qazaqstan Respýblıkasynyń shekarasynan ótken sátke deıin 72 saǵat boıy jaramdy bolyp sanalady jáne aǵylshyn, orys nemese qazaq tilinde jazylyp berilýi tıis.
Atalǵan anyqtama bes jasqa tolmaǵan balalarǵa ǵana berilmeıdi. COVID-19-ǵa PTR synamasynyń teris nátıjesi bolmaǵan jaǵdaıda jolaýshylar, sonyń ishinde Qazaqstan azamattary jáne Qazaqstan aýmaǵynda turýǵa yqtıarhaty bar adamdar ushý áýejaıynan bortqa jiberilmeıdi.