Elimizge 200 myńnan astam reseılik kelgen.
QR Premer-Mınıstriniń orynbasary-Syrtqy ister mınıstri Muhtar Tileýberdi Qazaqstanǵa kelip jatqan reseılikterge qatysty pikir bildirdi, dep habarlaıdy Almaty-akshamy.kz QazAqparatqa silteme jasap.
QR İshki ister mınıstrliginiń málimetine qaraǵanda, 21 qyrkúıekten beri elimizge 200 myńnan astam reseılik kelgen.
«Sońǵy málimetter boıynsha, keshe Qazaqstanǵa qaraı aǵylǵan nópir báseńsidi. Iaǵnı Qazaqstannan ketken reseılikterdiń sany elimizge kelgenderge qaraǵanda artyq bolǵan», - dedi M. Tileýberdi Májiliste tilshiler saýalyna jaýap bere otyryp.
Budan buryn habarlanǵandaı, 4 qazan kúni QR İshki ister mınıstri Marat Ahmetjanov Úkimet otyrysynan keıin BAQ ókilderine bergen suhbatynda Qazaqstandy panalap jatqan reseılikter týraly sońǵy statısıkany jarıalady.
«Bul másele baqylaýda. Reseıdiń 200 myńnan astam azamaty kirdi. Biraq búgingi tańda 147 myńy shyǵyp ketti. Árıne, ishinara mobılızasıa jarıalanǵan kezderde úlken keptelister boldy. Kesheden bastap burynǵy qalpyna kelip otyr. Mysaly, keshegi kúndi alatyn bolsaq, Reseıdiń 7 myńnan astam azamaty memleketimizge kirdi, 11 myńǵa jýyǵy shyǵyp ketti. Sondyqtan qazir kelgender shyǵyp jatyr. Mıgrasıalyq ahýal baqylaýda. Jan-jaqty qarap jatyrmyz», - dedi M. Ahmetjanov.