Byltyr qańtar-jeltoqsan aralyǵynda Qazaqstan jalpy somasy 93,5 mln AQSH dollaryna 12,3 myń tonna gúl men gúl túınegin ımporttaǵan.
Ulttyq statısıka búrosynyń dereginshe, 2023 jyly 8,2 myń tonna ımporttalǵan gúldiń somasy 61,2 mln dollardy quraǵan, dep habarlaıdy aqshamnews.kz.
Byltyr elimizge gúlder álemniń 53 elinen jetkizilgen. Bul qatarda Eýropa, Ońtústik Amerıka jáne Afrıka elderi bar.
Memleketter arasyndaǵy jeke úles mynadaı: Ekvadordan - 6,4 myń tonna, Nıderlandtan - 2,3 myń tonna, Qytaıdan - 1,1 myń tonna, Kolýmbıadan - 978 tonna jáne Kenıadan - 975 tonna gúl jetkizilgen.
Bul kezeńde Qazaqstan TMD elderine gúl shoqtaryn jasaýǵa arnalǵan 1,5 myń tonna gúl men gúl túınegin eksporttaǵan.
Esterińizge sala keteıik, kúni keshe 8-naýryz qarsańynda Almatyda gúl saýdasy qalaı júrip jatqanyna beıne-sholý jasap, saıtymyzda jarıalaǵan edik.