Qujat 5 sáýirge deıin qoǵamdyq talqylaýǵa shyǵaryldy.
Aýyl sharýashylyǵy mınıstrligi «Qazaqstan Respýblıkasynyń aýmaǵyna avtokólikpen bıdaı ákelýge tyıym salý týraly» buıryqtyń jobasyn ázirledi, - dep habarlaıdy Almaty-akshamy.kz. Azattyq Ruhy-na silteme jasap.
Buıryq Ashyq NQA portalynda jarıalandy.
«Tuqymdyq bıdaıdy (Eýrazıalyq ekonomıkalyq odaqtyń syrtqy ekonomıkalyq qyzmetiniń taýar nomenklatýralyq kody 1001 11; 1001 91) qospaǵanda, bıdaı (Eýrazıalyq ekonomıkalyq odaqtyń syrtqy ekonomıkalyq qyzmetiniń taýar nomenklatýralyq kody 1001) ımportyna Qazaqstan Respýblıkasynyń aýmaǵyna avtomobıl kóligimen alty aıǵa tyıym salý engizilsin», - dep jazylǵan buıryqta.
Buıryq alǵashqy resmı jarıalanǵan kúninen bastap qoldanysqa engiziledi.
Qujat 5 sáýirge deıin qoǵamdyq talqylaýǵa shyǵaryldy.
Eske salsaq, Reseı Federasıasynan avtokólikpen bıdaı ákelýge tyıym salý týraly usynys 14 naýryzda QR Saýda jáne ıntegrasıa vıse-premeriniń qatysýymen ótken keńeste aıtylǵan bolatyn.