İİM 17 shildeden bastap burynǵy tirkelgen jeri boıynsha esepten shyǵarylmaǵan nemese shekteýlerge baılanysty zańdastyrylmaǵan, 2022 jylǵy 1 qyrkúıekke deıin Eýrazıalyq ekonomıkalyq odaq elderinen Qazaqstan Respýblıkasyna ákelingen avtokólikterdi bes jylǵa ýaqytsha tirkeý jumysyn bastady.
Osylaısha, azamattarǵa avtokóliktermen týyndaǵan zańdy máselelerdi sheshý jáne olardy quqyqtyq salaǵa»engizý úshin ýaqyt berilip otyr. Ýaqytsha tirkeý úshin kólik quraldarynyń ıeleri «ýaqytsha tirkeý» tizimine avtokóliktiń VIN-kodyn engizý úshin ótinishpen jáne rastaıtyn qujattarymen ákimshilik polısıa basqarmasynyń prosesıngtik ortalyǵyna júginýi qajet. «Ýaqytsha tirkeý» tizimine engizgennen keıin kólik quralynyń ıesi elektrondy úkimet portaly arqyly kólikti tirkeýge ótinim beredi, dep habarlaıdy Allmaty-akshamy.kz Astanatv.kz-ke silteme jasap.
Sodan keıin 10 mınýt ishinde avtomatty túrde tekserý júzege asyrylady. Oń nátıje bolǵan jaǵdaıda kólik ıesiniń jeke kabınetine sátti tekserý týraly jáne Memlekettik korporasıa janyndaǵy tekserý pýnktine kólik quralyn usyný qajettigi týraly habarlama jiberiledi.
Tekserý pýnktinde krımınalıs 15 mınýt ishinde kólik quralynyń nómirlik agregattaryn salystyryp tekseredi. Tekserý nátıjeleri oń bolǵan kezde kólik ıesi elektrondyq kezek boıynsha Memlekettik korporasıa qyzmetkerine avtokólikti tirkeýge qujattardy tapsyrý úshin joldanady, ol jerde memlekettik nómir(9 660 tg) men memlekettik tirkeý qujaty (4 313 tg) úshin memlekettik baj tólep, kólik quralyn bes jylǵa tirkeý, sonymen qatar kórsetilgen merzim ótkennen keıin ony keri áketý týraly mindettemege qol qoıady.
«Atap ótý qajet, tirkeý qujattarynyń túpnusqalary jáne memlekettik tirkeý nómirlik belgileri kólik quralynyń tirkelgen jeri boıynsha Memlekettik korporasıa fılıalynda ýaqytsha tirkeý merzimi ótkenge deıin saqtalady, – dedi QR İİM ÁPK basqarma bastyǵy orynbasarynyń mindetin atqarýshy Altynbek Jamalıev.
Tirkeý týraly kýáliktiń aıryqsha belgisinde Qazaqstan Respýblıkasynan tys jerlerge shyǵý jáne ıelikten shyǵarý quqyǵynsyz degen jazba, tirkeýdiń qoldanylý merzimi, sondaı-aq avtokóliktiń burynǵy sheteldik ıesiniń derekteri kórsetiledi. Ýaqytsha esepke alý merzimi ótkennen keıin kólik quralyna qatysty memlekettik tirkeý avtomatty túrde toqtatylady.
Eger Qazaqstan azamattary atalǵan avtokólikterdi elden tys jerlerge áketýge sheshim qabyldasa, olar Qazaqstan Respýblıkasynyń tirkeý qujattary men memlekettik nómirlerin tapsyrýǵa tıis, sodan keıin olarǵa shet memlekettiń tirkeý qujattary men memlekettik nómirleri qaıtarylatyn bolady.
Eger avtokólikter burynǵy tirkelgen elinde esepten shyǵarylsa jáne qazaqstandyqtar olardy elde tirkeýdi júzege asyrý týraly sheshim qabyldasa, onda olarǵa 200 000 teńge mólsherinde bastapqy tirkeý alymyn tóleýmen jáne ýtılızasıalyq alymsyz zańdastyrý sharttary qoldanylatyn bolady.