Memleketke jalpy somasy 523 mıllıardtan astam teńgege keltirilgen zalal ótelip, aktıvter qaıtaryldy. Bul týraly Aktıvterdi qaıtarý jónindegi komısıanyń jumys tobynyń otyrysynda aıtyldy, dep habarlaıdy Almaty-akshamy.kz.
QR Bas prokýratýra baspasóz qyzmetiniń málimetinshe, kún tártibine munaı ónimderi, suıytylǵan munaı gazy jáne olardy tasymaldaý salasyndaǵy máseleler shyǵaryldy.
Atalǵan máseleni egjeı-tegjeıli talqylaý úshin «Qazmunaıgaz» UK AQ, «Qazaqstan temir joly» UK» AQ jáne «QazaqGaz» UK» AQ basshylary shaqyryldy.
Sondaı-aq keńeske Básekelestikti qorǵaý jáne damytý agenttiginiń, Energetıka mınıstrliginiń, Indýstrıa jáne ınfraqurylymdyq damý mınıstrligi Kólik komıtetiniń, «Samuryq-Qazyna» UÁQ» AQ basshylyǵy qatysty.
Elimizde otyn-energetıka kesheni men kólik naryqtarynyń monopolıalandyrylǵany, bul básekelesterge qoljetimdilikti shekteý, sońǵy ónimge joǵary marjany belgileý jáne artyq kiris alýǵa jaǵdaı jasaıdy.
Osyǵan baılanysty komısıa olıgopolıa sýbektileriniń monopolıalyq jaǵdaıyn belgileýge jáne básekelestikti shekteýge ákep soqqan sheshimderge taldaý júrgizýde.
Sondaı-aq kvazımemlekettik sektormen birlesip taýar naryqtaryn monopolıasyzdandyrý, ulttyq kompanıalar men onyń enshiles qurylymdarynyń zańsyz shyǵarylǵan aktıvterin qaıtarý boıynsha jumys is-qımyldardyń biryńǵaı algorıtmin paıdalana otyryp júrgizilýde.