Akademık N. J. Batpenov atyndaǵy Ulttyq Travmatologıa jáne ortopedıa ǵylymı ortalyǵy mıkrohırýrgıalyq júıelerden bastap robotty keshenderge deıingi medısınalyq quraldar keshenin engize otyryp, medısınalyq kómek kórsetýdiń jańa deńgeıine shyqty.
Jańa jabdyq operasıalardy joǵary dáldikpen jáne az ınvazıvtilikpen júrgizýge, pasıentterdi ońaltý ýaqytyn qysqartýǵa jáne asqyný qaýpin azaıtýǵa múmkindik beredi, dep habarlaıdy aqshamnews.kz.
Ortalyqty jańǵyrtý «Samuryq-Qazyna» AQ qoldaýynyń arqasynda múmkin boldy, ol jabdyqtardy satyp alýǵa shamamen 400 mln teńge bóldi. Negizgi jańalyqtardyń biri Qazaqstanda alǵash ret qoldanylatyn Mast Quadrant hırýrgıalyq retraktory boldy. Bul omyrtqaǵa joǵary dáldikpen operasıa jasaýǵa múmkindik beredi, jumsaq tinderdiń jaraqattaryn azaıtady jáne pasıentterdiń tez qalpyna kelýin qamtamasyz etedi.
«Samuryq-Qazyna» sıaqty áriptesterdiń qoldaýynyń arqasynda Qazaqstan medısınada jańa tehnologıalardy belsendi engizýdi jalǵastyryp, olardy tek elordalyq qana emes, óńirlik medısınalyq ortalyqtar úshin de qoljetimdi etedi», - dedi Densaýlyq saqtaý vıse-mınıstri Erjan Nurlybaev.
Bul júıelerdi engizý - tehnologıalyq serpilis qana emes, myńdaǵan qazaqstandyqtardyń ómir súrý sapasyn jaqsartýǵa jasalǵan qadam.
«Bul - ult densaýlyǵyna salynǵan ınvestısıa. Jańa jabdyq, ásirese tirek-qımyl apparaty aýrýlary bar pasıentter úshin medısınalyq kómektiń deńgeıin edáýir arttyrýǵa múmkindik beredi», - dep atap ótti Qordyń basshysy Nurlan Jaqypov.
Korporatıvtik áleýmettik jaýapkershilik sheńberinde Qor sonymen qatar, Ulttyq shuǵyl medısınany úılestirý ortalyǵy men el óńirlerindegi ońaltý ortalyqtarynyń jelisi sıaqty medısınalyq mekemelerdi jańǵyrtýdy qoldaıtynyn aıta ketken jón.