Qazir memlekettik qyzmet alý úshin avtorızasıa men qol qoıǵanda eki kilt qoldanylady
Qazaqstanda barlyq memlekettik qyzmet úshin biryńǵaı elektrondy sıfrlyq qoltańba engiziledi, dep habarlaıdy almaty-akshamy.kz.
Sıfrlyq qoltańbany alý, saqtaý jáne paıdalaný prosedýrasyn jeńildetý úshin eki kilttiń ornyna bir kilt berý týraly sheshim qabyldanǵan.
«Jeke jáne zańdy tulǵalarǵa MemST algorıtmi negizinde bir kilt beriledi. Ol avtorızasıalaý úshin de, qol qoıý úshin de qoldanylady», - delingen eGov portalynyń Telegram-arnasynda.
Iaǵnı negizgi ózgeris – avtorızasıa men qol qoıý úshin eki tirkeý kýáliginiń ornyna endi bireý ǵana beriledi, bul sıfrlyq kiltterdi basqarý prosesin jeńildetedi.
Buryn shyǵarylǵan elektrondy sıfrlyq qoltańbalar jaramdylyq merzimi aıaqtalǵanǵa deıin jaramdy bolady.
Elektrondy qoltańbanyń jańa GOST 2015 standartyn mobıldi qosymshada paıdalaný úshin eGov Mobile qosymshasyn jańartsańyz jetkilikti.
Sondaı-aq zańdy tulǵalardyń paıdalanýyna arnalǵan myna úlgiler de qoljetimdi úlgiler tiziminen alynyp tastaldy: «qarjylyq qujattarǵa qol qoıý quqyǵy bar qyzmetker» jáne «kadr bóliminiń qyzmetkeri».