Q. Sharlapaev: Aqmola jáne Batys Qazaqstan oblystarynda sý tasqynynan zardap shekken azamattarǵa arnalǵan qalǵan 104 úı qyrkúıek aıynyń sońyna deıin tapsyrylady
Premer-Mınıstr Oljas Bektenovtiń tóraǵalyǵymen ótken Úkimet otyrysynda ónerkásip jáne qurylys mınıstri Qanat Sharlapaev sý tasqynynan zardap shekken qazaqstandyqtarǵa arnalǵan 2576 úıdiń qurylysy aıaqtalǵanyn habarlady. Olardy salý jumystary mamyr aıynyń sońynda bastalyp, 4 aı ishinde aıaqtaldy.
Máselen, Soltústik Qazaqstan, Aqtóbe, Qostanaı jáne Atyraý oblystarynda sý tasqynynan zardap shekkenderge arnalǵan úılerdiń qurylysy 100% aıaqtaldy. Qurlysy jumysy Aqmola (38 úı) jáne Batys Qazaqstan óńirlerinde (66 úı) jalǵasýda. Jańa úılerdi qyrkúıek aıynyń sońynda tapsyrý josparlanyp otyr.
Kóktemgi sý tasqyny saldarynan Qazaqstanda barlyǵy 17 603 úı zardap shekti, onyń 8 447-si keıinnen apatty dep tanyldy.
Memleket jańa úıler salýdan bólek, qaıtalama naryqta 5 767 birlik turǵyn úı satyp aldy.