Quqyqbuzýshylyqtardyń 52,3%-y eńbekti qorǵaý erejelerimen baılanysty.
Ústimizdegi jyldyń on aıynda, statısıkalyq derek boıynsha, Qazaqstanda adam quqyǵyna baılanysty 873 qylmystyq is tirkelgen. Bul ótken jylǵy kórsetkishterge qaraǵanda 14,3%-ǵa az bolyp otyr.
Sebebi byltyr dál osy ýaqytta 1000-ǵa jýyq quqyqbuzýshylyq tirkelgen. Resmı málimetke sáıkes, mundaı quqyq buzýshylyqtardyń sany jyldan jylǵa azaıyp keledi, dep habarlaıdy Almaty-akshamy.kz Ranking.kz saıtyna silteme jasap.
Óńirlik bóliniste tulǵanyń konstıtýsıalyq jáne ózge de quqyqtary men bostandyqtaryn buzýǵa qatysty kóp qylmystyq quqyqbuzýshylyq Almaty jáne Shyǵys Qazaqstan oblystarynda tirkeldi: óńirlerdiń árqaısysynda 90 jaǵdaıdan, tıisinshe bir jyl burynǵyǵa qaraǵanda 6,2%-ǵa az jáne 4,7%-ǵa artyq.
Sondaı-aq, alǵashqy úshtikte Astana (84 jaǵdaı, 26,3%-ǵa az), Almaty (77 jaǵdaı, 13,2%-ǵa kóp) jáne Aqmola oblysy (63 jaǵdaı, 19,2%-ǵa az) tur. Mundaı quqyqbuzýshylyqtardyń eń azy Qyzylorda oblysynda tirkeldi: bir jyl buryn 21, bıyl 8 jaǵdaı. Budan ári Ulytaý jáne Jetisý oblystary: ár óńirde - 12 jaǵdaıdan.
Barlyq osyndaı quqyq buzýshylyqtardyń 52,3%-y eńbekti qorǵaý erejelerimen baılanysty: 457 jaǵdaı, jyl ishinde 22,1%-ǵa azaıǵan. Osy sanattaǵy "tanymal" quqyqbuzýshylyqtardyń arasynda azaptaý (197 jaǵdaı, bir jyl burynǵydan 1,6 ese kóp) jáne turǵyn úıge qol suǵylmaýshylyqty buzý (173 jaǵdaı, jyl ishinde 33,2% azaıǵan) bar.
Taǵy 36 jaǵdaı jeke ómirge qol suǵylmaýshylyqty jáne derbes derekter jáne olardy qorǵaý týraly zańnamany buzýǵa, 6 jaǵdaı eńbek zańnamasyn buzýǵa, 4 jaǵdaı hat almasý, telefon arqyly sóılesý, poshta, telegraf nemese ózge de habarlamalar qupıasyn zańsyz buzý bolyp otyr.
Bul rette mıtıńiler men demonstrasıalardy uıymdastyrýǵa jáne ótkizýge kedergi jasaý, aqparattyq resýrstarǵa qol jetkizý quqyǵyn zańsyz shekteý, jýrnalıserdiń zańdy kásibı qyzmetine kedergi jasaý, saılaý qujattaryn burmalaý sıaqty baptar boıynsha birde-bir quqyqbuzýshylyq tirkelgen joq.