Bıyl sáýirde jeke tulǵalardyń ekinshi deńgeıli bankterdegi salymdary 13,11 trln teńge boldy.
Jyldyq dınamıkada kórsetkish 12,7% artqan, dep habarlaıdy Almaty-akshamy.kz
Eldegi 22 banktiń 18-i jáne úzdik ondyqtaǵy 9 bank plúste.
Bankter arasynda absolút kóshbasshy – Bank RBK: bir jylda plús 47,9%, 351 mlrd teńge. Bólshek depozıtter bank salymdarynyń jıyntyq portfelinde – 40,3%, ótken jylǵy kórsetkish – 39%.
Ekinshi orynda memlekettik Otbasy banki tur. Ol turǵyn úı qurylys jınaq júıesine mamandanǵan qarjy ınstıtýty bolyp sanalady: bir jylda plús 45,2%, 2,09 trln teńge.
Bıyl Otbasy banki ekinshi deńgeıli bank qatarynan shyǵarylyp,
ulttyq damý ınstıtýty mártebesine ıe bolady.
Úzdik úshtikte – Altyn Bank: bir jylda plús 37,8%, 211,3 mlrd teńge. Banktegi jeke tulǵalardyń salymdary – 35%.
Jalpy sektorda bólshek salymdar bir jyl burynǵy deńgeıde, ıaǵnı ekinshi deńgeıli bankterdegi jıyntyq depozıttik portfeldiń 51% teń.