Tergeý jalǵasyp jatyr.
Kúdikti memlekettik shekara beketinen Qyrǵyzstanǵa ótpekshi bolǵan, dep habarlaıdy aqshamnews.kz
«2024 jylǵy 18 shildede Taraz qalasy prokýratýrasynyń úılestirýimen jedel-izdestirý jumystaryn júrgizý barysynda qalalyq polısıa bóliminiń qyzmetkerleri qalanyń 3 senimdi azamattaryn ınternet baılanysy arqyly aldaǵan Reseı Federasıasynyń "R" esimdi azamatyn ustady», - dep habarlady Jambyl oblysynyń prokýratýrasy.
Kúdikti sáýir-mamyr aralyǵynda óz sybaılastarymen birge jergilikti azamattardy aldaǵan. Olardyń senimine kirip, ár túrli nómirden qońyraý shalǵan.
«Ózderin «ekinshi deńgeıdegi bankterdiń qaýipsizdik qyzmetiniń jumyskerleri» jáne «quqyq qorǵaý organdarynyń qyzmetkerleri» retinde tanystyryp, alaıaqtar azamattardyń atynan nesıe almaqshy ekenin aıtqan. Osy sqemany paıdalanyp, alaıaqtar «WhatsApp» áleýmettik jelisiniń beınebaılanysy arqyly nesıe resimdep, jábirlenýshilerdiń 19 mıllıon teńgesin ıelengen», - dep habarlady prokýratýra.