Ýkraınadan shyǵa almaǵan azamattardyń ótinishteri jeke tártipte qaralady.
Qazaqstan Respýblıkasynyń Ýkraınadaǵy Elshiligi qazirgi kezde repatrıasıa ushaqtarymen azamattardy evakýasıalaý aıaqtalǵanyn jetkizdi, dep habarlaıdy Almaty-akshamy.kz QazAqparatqa silteme jasap.
«Qurmetti Qazaqstan Respýblıkasynyń Ýkraınadaǵy azamattary, Qazaqstan Respýblıkasynyń Ýkraınadaǵy Elshiligi 2022 jylǵy 28 naýryzdaǵy jaǵdaı boıynsha Katovıse qalasynan (Polsha) jeti evakýasıalyq reıs oryndalǵanyn habarlaıdy. Ýkraınadan 900 Qazaqstan azamaty evakýasıalanyp, olardyń 743-i Qazaqstanǵa oraldy. Qazirgi kezde azamattardy repatrıasıa ushaqtarymen evakýasıalaý aıaqtaldy. Jabyq eldi mekenderde qalyp qoıǵan jáne kórsetilgen reıstermen Ýkraınadan shyǵa almaǵan azamattardyń ótinishteri jeke tártipte qaralady», - delingen Elshilik habarlamasynda.
Eske sala ketsek, 28 naýryzda Katovıse qalasynan bortynda Qazaqstan azamattary bar jetinshi repatrıasıalyq reıs ushty. Sondaı-aq, QR Tótenshe jaǵdaılar mınıstrligi Almatydan Polshanyń Katovıse qalasyna Ýkraına azamattary úshin gýmanıtarlyq kómektiń kezekti partıasy salynǵan arnaıy reıs uıymdastyrdy.