Ádilet mınıstrligi 2025 jyly Sıfrlyq damý, ınovasıalar jáne aeroǵarysh ónerkásibi mınıstrligimen birlesip «Kaspi Bank» AQ postamattary arqyly azamattarǵa týý týraly kýálikti jetkizý boıynsha pılottyq jobany iske qosýdy josparlap otyr.
Bul HQKO-ǵa barmaı-aq týý týraly kýálik alýǵa múmkindik beredi. Atap aıtqanda, AHAT organdary bergen elektrondy qujattar boıynsha – týý, qaıtys bolý, neke qıý jáne nekeni buzý týraly kýálikter men anyqtamalar boıynsha elektrondyq apostıldi qoldanýdy damytý josparlanýda, dep habarlaıdy aqshamnews.kz UKIMET-tiń telegram-kanalyna silteme jasap.
Jańa ózgerister azamattarǵa atalǵan qujattardy alýǵa jáne olarǵa bir ótinish sheńberinde apostıl qoıýǵa múmkindik beredi. Bul qyzmetke 2025 jyldyń tórtinshi toqsanynda qol jetkiziletin bolady. Sondaı-aq zań kómegin kórsetý salasynda Ádilet mınıstrligi 2025 jyly Atqarýshylyq jazba jasaý jónindegi pılottyq jobany iske qosýdy josparlap otyr, ol «Biryńǵaı notarıattyq aqparattyq júıe» aqparattyq júıesine talaptardyń daýsyz ekendigi jáne boryshty taný, boryshkerdiń jeke kabıneti arqyly qarsylyq berý týraly rastaıtyn qujattardy salýdy, sondaı-aq notarıýstyń boryshkerdiń (jeke nemese zańdy tulǵa) tirkelgen jeri boıynsha ǵana atqarýshylyq jazba jasaýyn kózdeıdi.
Bul bastamalar memlekettik qyzmetterdi sıfrlandyrý deńgeıin arttyrýǵa, búrokratıalyq rásimderdi qysqartýǵa jáne azamattarǵa qyzmet kórsetý sapasyn jaqsartýǵa baǵyttalǵan.