İs-shara jyl saıyn 1 tamyz dúnıejúzilik ókpe obyryna qarsy kúres kúnine oraılastyrylǵan.
Ókpedegi qaterli isikti anyqtaý úshin barlyq onkologıalyq ortalyqtarda ashyq esik kúni ótedi, dep habarlaıdy aqshamnews.kz densaýlyq saqtaý mınıstrligine silteme jasap.
"1-3 tamyz aralyǵynda Qazaqstannyń memlekettik onkologıa ortalyqtary barlyq nıet bildirýshilerdi ókpe obyrynyń profılaktıkasyna jáne erte anyqtaýǵa arnalǵan ashyq esik kúnderine shaqyrady", - dep jazdy vedomstvo.
Bul kúni kelýshiler onkologtyń bilikti konsýltasıasyn tegin ala alady jáne kórsetilimder bolǵan jaǵdaıda ókpeniń tómen dozaly kompúterlik tomografıasynan óte alady.
"Ókpe obyry – Qazaqstandaǵy eń kóp taralǵan onkologıalyq aýrýlardyń biri. Jyl saıyn shamamen 3500 jańa jaǵdaı anyqtalady. Bul aýrýdyń negizgi sebebi temeki shegý, bul barlyq jaǵdaılardyń shamamen 90%-in quraıdy", - deıdi mınıstrlik.
Qazaqstandyq onkologtar 45 pen 69 jas aralyǵyndaǵy temeki shegýshilerge jyl saıyn ókpeniń TDKT-dan ótýge keńes beredi.