Grýzıa Qazaqstanǵa záıtún kóshetterin jiberdi. Elimiz záıtún habyn quryp, eksporttaýshyǵa aınalmaq.
Záıtún sabaǵyn tıegen júk kóligi Qazaqstanǵa 4 kúnnen keıin keledi, dep habarlaıdy Almaty-akshamy.kz
Grýzın mamandary Qazaqstannyń ońtústigi men ońtústik-batysyndaǵy klımat záıtún ósirýge qolaıly dep senedi. Byltyr ınvestorlar qazaq eliniń 3 aımaǵynda záıtún kóshetin ekken. Bul joly kóshettiń jańa partıasy Túrkistan men Mańǵystaý oblystaryna jetkizildi.
Qazaqstandyqtar qazan aıynda óz jerinde ósken záıtún jemisin jeı bastaýy múmkin.
"Qazaqstanǵa ósip turǵanyna 150 jyl bolǵan aǵashtardan alynǵan – 10 túp, 50 jyldyq – 12, 30 jyldyq – 15 túp kóshet jiberdik. Qalǵan 3 jarym aǵashqa 5 jyl ǵana bolǵan. Olar bıyl ónim beredi", - deıdi kompanıa menedjeri Aleksandr Chahnashvılı.
Beıbitshilik sımvoly – záıtún sabaǵyn tıegen júk kóligi Qazaqstanda 4 kúnnen keıin bolýy kerek. Aldaǵy ýaqytta bizdiń elde záıtún óńdeıtin zaýyt paıdalanýǵa berilmek. Úkimet záıtún eksporty úshin qajet halyqaralyq sertıfıkat alýdy josparlap otyr.
Grýzıada 1 mln 200 myńnan astam záıtún ósimdigi bar. Grýzın maıy premıým klasqa jatady jáne Grekıa, Italıa men Ispanıadan keıin álemdegi úzdik tórtikke kiredi.