Bıyl ekinshi toqsanda elimizde et jáne et ónimderin tutyný bir adamǵa orta eseppen 19,7 keli boldy.
Bul ótken jylmen salystyrǵanda 3,5%-ǵa kóp, dep habarlaıdy Almaty-akshamy.kz.
Energyprom.kz málimetinshe, qazaqstandyqtar sıyr etin eń kóp tutyndy. Ekinshi jáne úshinshi oryndarda jylqy eti jáne qoı eti tur.
Atyraý oblysynyń turǵyndary et pen et ónimderin eń kóp jeıtinder qatarynda. Ekinshi jáne úshinshi oryndarda Aqmola men Mańǵystaý oblystary bar.
Bıyl qyrkúıekte et jáne et ónimderi bir jyl ishinde 8,6%-ǵa qymbattady. Onyń ishinde et pen qus eti 8,3%-ǵa, shujyq ónimderi 9,9%-ǵa qymbattady.
Et jáne et ónimderi eń qatty qymbattaǵan óńir Aqmola oblysy. Odan keıin Almaty oblysy jáne Astana qalasynda qymbattaǵan. Eń az jyldyq baǵa ósimi Shymkentte baıqaldy.