Jyl basymen salystyrǵanda tutynýshylyq qajettilikterge arnalǵan mıkrokredıtterdiń kólemi jyl sońyna qaraı kóbeıip ketken, dep habarlaıdy aqshamnews.kz
Qarjy naryǵyn retteý jáne damytý agenttiginiń (QNRDA) málimetinshe, mıkrokredıtterdiń kólemi 1,1 trln teńgege jetip, úshinshi toqsanda 4,7%-ǵa, al jyl basynan beri 25,6%-ǵa ósken. Bul ósimniń negizgi bóligin mıkrofınans uıymdary bergen qaryzdar qamtamasyz etti – olardyń úlesi jalpy kólemniń 77%-yn quraıdy.
Sonymen birge, mıkrofınans uıymdarynyń portfelinde 90 kúnnen astam keshiktirilgen qaryzdar deńgeıi (NPL90+) jyl basyndaǵy 3,9%-dan 6,2%-ǵa deıin ósti.
Halyq arasynda 90 kúnnen astam merzimi ótken mıkrokredıtter úlesi qaryz portfeliniń 10,5%-yn quraıdy (01.01.2024 j. — 6,5%), al bıznes portfelinde bul kórsetkish 2,0%-ǵa jetti (01.01.2024 j. — 1,6%), dep naqtylady QNRDA.