«Elektrondy qyrǵynǵa» tek belsendi emes akkaýnttar iligedi.
Bıylǵy jeltoqsan aıynan bastap, Google óz paıdalanýshylarynyń Gmail akkaýnttaryn, tıisinshe poshtalaryn jappaı joıýǵa kirisedi, dep habarlaıdy Almaty-akshamy.kz
Álemdik naryqtyń shamamen 93 paıyzyna ıe Google-dyń qadam-qareketteri sarapshylardy qaıran qaldyryp otyr. Bul týraly massaget.kz habarlady.
Degenmen, Sauap.org budan qutylýdyń jolyn kórsetti. Sebebi, "elektrondy qyrǵynǵa" tek belsendi emes akkaýnttar iligedi. Sondyqtan Gmail-dy uzaq ýaqyt paıdalanbaǵan adamdar óz akkaýntyna kirip, jazbalaryn jańartsa, poshtasynan jaqyn adamyna bir-eki sóılemnen turatyn hat-habar jiberse nemese óz akkaýntynan kirip, YouTube jelisinde beınejazba tamashalasa, jetkilikti.
Qaıta qaralǵan saıasatyna sáıkes, budan bylaı Google paıdalanýshylardyń e-poshtada avtorızasıalanyp, hat-habar jazysýdy, Google Drive-ty qoldanýdy, YouTube jelisinde beınejazbalar qaraýdy, fotosýretter almasýdy nemese baǵdarlamalyq qamtylymdy, qosymshalardy júktegendi "belsendilik" dep tanıtyn bolady.
Bul keńesti Google-dyń qulaqtandyrýy da rastaıdy. Google túsindirýinshe, akkaýnttyń belsendiligi qurylǵynyń – smartfonnyń, kompúterdiń, noýtbýktiń nemese basqasynyń emes, naqty akkaýnttyń jıi paıdalanylýyn talap etedi. Basqasha aıtqanda, belsendiligin pash etý úshin paıdalanýshy avtorızasıalanýǵa tıis.
Buǵan qosa, Google-dyń birneshe akkaýnty bir qurylǵyda qoldanylsa, onda onyń árqaısysynyń belsendiligi de jeke-jeke baǵalanatyn bolady.
Áıtpese, álemde mıllıondaǵan adam bir mezette óz akkaýnttaryn joǵaltyp almaq.
Álemdik alpaýyt sońǵy 2 jyl boıy belsendi bolmaı, qur jatqan mıllıondaǵan Gmail eseptik jazbalaryn joıatynyn málimdedi. Bul shara poshtalyq servısti eleýli jańartý naýqany aıasynda jasalady. Google adamdardyń jumysyna, oqýyna qatysty derbes akkaýnttarǵa, sondaı-aq kez kelgen uıymmen baılanysty akkaýnttarǵa tıispeýge ýáde etti.
Google kompanıasy sońǵy jyldary jańa saıasatyn júzege asyratyny týraly óz paıdalanýshylaryn eskertip keldi. Ol 2023 jylǵy 1 jeltoqsannan bastap, Gmail jáne Google Drive servısterindegi belsendi emes akkaýnttardy óshirip tastaýdy qarastyrady. Olardaǵy barlyq aqparat qalpyna keltirý múmkindiginsiz, máńgilikke joıylady.