El turǵyndary, ásirese, etke jáne et ónimderine kóp aqsha jumsaıdy eken.
Qazaqstandyqtardyń tutynýshylyq shyǵyndarynda azyq-túlik úlesi 50,8% quraıdy. Bul týraly "Atameken" UKP taldaý qyzmeti málim etti, dep jazady Almaty-akshamy.kz.
Sarapshylar qazaqstandyqtardyń, ásirese, etke jáne et ónimderine kóp aqsha (17%) jumsaıtynyn atap ótti.
Ulttyq statısıka búrosynyń málimeti boıynsha, 2022 jyldyń úshinshi toqsanynda qazaqstandyqtar myna azyq-túlik túrlerin kóp tutynǵan:
- sút ónimderi (toqsanyna orta eseppen jan basyna shaqqanda 56,3 kg);
- nan ónimderi jáne jarma ónimderi (31,7 kg);
- jemister (26 kg);
- kókónister (22 kg);
- et jáne et ónimderi (19,3 kg).
"Halyqtyń az qamtylǵan bóligi aýqatty turǵyndarmen salystyrǵanda, balyq pen teńiz ónimderin 4,5 esege, et pen et ónimderin 3,5 esege, sút pen sút ónimderin 3,4 esege az tutynady", - deıdi mamandar.