Qazaqstandyq týrıserdiń Ázerbaıjandaǵy shyǵyndary BAÁ, Túrkıa jáne Ulybrıtanıa qonaqtarynyń shyǵynynan asyp túsken, - dep habarlaıdy Aqshamnews.kz tilshisi.
Ázerbaıjandaǵy Mastercard menedjeri Emıl Zeınalovtyń jergilikti BAQ aldynda bergen málimetine qaraǵanda, bıyl elge 178 elden kelgen týrıser kelgen. Týrıser sany boıynsha bes iri el qatarynda Túrkıa, BAÁ, Ulybrıtanıa, Qazaqstan jáne Saýd Arabıasy bar.
Zeınalov atap ótkendeı, qazaqstandyq týrıser premıým segmentke jatady jáne eń kóp shyǵyn jasaıdy.
Aıta keteıik, Ázerbaıjan memlekettik shekara qyzmetiniń málimetine sáıkes, 2025 jyldyń alǵashqy jeti aıynda elge shamamen 1,5 mıllıon sheteldik kelgen. Olardyń ishinde 59 myńnan astamy – Qazaqstan azamattary, bul – jalpy týrıserdiń shamamen 4 paıyzy. Bul kórsetkish byltyrǵa qaraǵanda 20,6 paıyzǵa joǵary.
Sonymen qatar, bıyl jazda áleýmettik jelilerde qazaqstandyqtardyń Bakýda demalyp júrgen vıdeolary kóp tarady. #BakuIsCalling heshtegimen jarıalanǵan vıdeolar ondaǵan myń qaralym jınap, paıdalanýshylar qala kórikti jerleri men atmosferasy týraly áserlerin bólisti.
Jergilikti turǵyndar qazaqstandyq qonaqtarǵa jyly qaraǵanyn da atap ótti.