eGov Mobile mobıldi qosymshasynda endi «Qazpost» onlaın-servısteri qoljetimdi. Bul jańalyqtyń arqasynda qazaqstandyqtar sheteldik marketpleısterden taýarlar satyp alyp, qajet bolǵan jaǵdaıda kedendik qujattardy rásimdeýge múmkindik alady, dep habarlaıdy aqshamnews.kz
«Qazpost» servısi halyqaralyq saýda jasaýǵa múmkindik beredi, ol álemniń jetekshi platformalarynan, mysaly, Amazon, AliExpress jáne basqa saıttardan taýarlar satyp alý múmkindigin usynady. Servıs eki baǵytty qamtıdy: Keruen — AQSH, Eýropa jáne Qytaıdan jetkizý jáne Keden — kedendik deklarasıalaý», — dep habarlady «Ulttyq aqparattyq tehnologıalar» kompanıasy.
Keruen — Shetelden jetkizý bóliminde taýardyń quny men jetkizý merzimderi kórsetiledi. Sondaı-aq, jetkizý qunyn esepteý kálkýlátory, úlken kólemdi posylkalardy esepteýge arnalǵan jáne jıi qoıylatyn suraqtar bólimi bar. Paıdalanýshy «Qurylǵyny kútý» batyrmasyn basyp, qajetti málimetterdi toltyryp, «Jiberý» batyrmasyn basý arqyly kútiletin posylkany qadaǵalaýǵa qosa alady.