Ótemaqy 2023 jyldyń 23 aqpanynan keıingi salynǵan aqshaǵa tólenedi.
Qazaqstannyń depozıtterge kepildik berý qorynyń tóraǵasy Ádil Ótembaev 10%-tik ótemaqyǵa ótinish berip jatqan azamattar sany az ekenin málimdedi, dep habarlaıdy Almaty-akshamy.kz
«Qazir biz tólem alýǵa ótinish berý belsendiliginiń tómen ekenin baıqap otyrmyz. 11 qarashadaǵy jaǵdaı boıynsha 1,8 mln adam ótinish berdi, bul ótemaqy alýǵa úmitkerlerdiń jalpy sanynyń 35%-inen az», - dedi Ótembaev Almatyda ótip jatqan «Qazaqstan qarjygerleriniń H kongresi» aıasynda.
Ol qazaqstandyq bankterde osy jyldyń 23 aqpanyna deıin ashylǵan teńgedegi depozıti bar azamattar memleketten 10% kóleminde ótemaqy alýǵa quqyly ekenin eske saldy.
Ol úshin depozıt ashylǵan bankke ótinish berip, sol arqyly tólem alýǵa kelisimińizdi rastaý qajet. Ótinish 2023 jyldyń 1 qańtaryna deıin qabyldanady.
Osy oraıda Ótembaev salymshylardy ótemaqy alý quqyǵyn belsendi paıdalanýǵa shaqyrdy.
«Salymshylardyń bir jarym aı ýaqyty bar, biraq bankke ótinish berýdi jyl sońyna deıin qaldyrmaýdy ótinemin. Onyń ústine bul qıyn emes, kóptegen qazaqstandyq bankte ótinishti onlaın berýge bolady. Banktiń mobıldi qosymshasy bolsa jetkilikti», - deıdi qor basshysy.
Aıta keteri, ótemaqy 2023 jyldyń 23 aqpanynan keıin tólenedi.