Eń kóp demalatyn kúnder qańtar men naýryz aılaryna sáıkes kelip tur.
Jyldyq kúntizbe boıynsha 365 kúnniń 245-i jumys kúni bolyp sanalady. Bul bes kúndik jumys aptasyna baılanysty esepteldi, dep habarlaıdy Almaty-akshamy.kz Qazaqparatqa silteme jasap.
Qazaqstandyqtardyń eń kóp demalatyn merzimi (12 kún) qańtar men naýryz aılaryna keledi. Al aqpan men qarashada - 8 kún. «Qazaqstan Respýblıkasyndaǵy merekeler týraly» zań boıynsha, Jańa jyl memlekettik mártebesi bar meıram bolyp esepteledi.
Jyl ishindegi demalys kúnderin bylaı bólip kórsetýge bolady:
- qańtarda Jańa jylǵa 3 kún - 1, 2 jáne 3 qańtar;
- naýryzda 3 kún - 21, 22 jáne 23 naýryz;
- sáýir men mamyrda Qazaqstan halqynyń birligi kúnine 3 kún - 29, 30 sáýir jáne 1 mamyr, sondaı-aq Otan qorǵaýshylar kúni men Jeńis kúnine 4 kún - 6, 7, 8 jáne 9 mamyr;
- shildede jumys kúni senbige aýystyrylatyndyqtan, 4 kún demalys bolady - 6, 7, 8 jáne 9 shilde;
- jeltoqsanda Táýelsizdik kúnine 3 kún - 16, 17 jáne 18 jeltoqsan. Sebebi 16 jeltoqsan senbige sáıkes keledi.
2023 jyly Rojdestvo merekesine qosymsha demalys berilmeıdi. Sebebi dinı mereke senbige nemese jeksenbige sáıkes kelse, demalys kelesi kúnge aýyspaıdy.
Qurban aıt 28 maýsymda bastalady.