Servısti iske qosý jóninde jumystar júrgizildi.
Qazaqstandyqtar endi mobıldi qosymshalar arqyly avtobýs bıletin ala beretin boldy, dep habarlaıdy Almaty-akshamy.kz.
«Azamattarǵa qolaıly jaǵdaı jasaý maqsatynda QR Indýstrıa jáne ınfraqurylymdyq damý mınıstrligi Nur-Sultan qalasyndaǵy avtovokzal jáne Halyk Bank-pen birlesip, jol júrý bıletterin Halyk Homebank mobıldi qosymshasy arqyly satyp alý servısin iske qosý jóninde jumystar júrgizdi», - delingen mınıstrliktiń baspasóz qyzmeti taratqan habarlamada.
Atap aıtqanda, osy bastama arqyly Halyk Travel qosymshasynyń «Avtobýstar» elektrondy servısi azamattar úshin qoljetimdi boldy. Atalǵan servıs jol júrý bıletterin aldyn-ala brondaý jáne satyp alý kezindegi ýaqytty aıtarlyqtaı únemdeıdi. Servısti jasaýshylar aldaǵy ýaqytta jolaýshylardyń ózderi men júkterin jaǵymsyz jaıttar men oqys oqıǵalardan saqtandyrýdy da engizýdi kózdep otyr.
Qazirgi tańda atalǵan mobıldi qosymsha arqyly otandastarymyz Nur-Sultannan Derjavınsk, Konstantınovka, Naýmovka, Stepnogorsk, Qyzylorda, Taraz, Qaraǵandy, Almaty, Shymkent, Óskemen qalalary men Monǵolıa jáne Ózbekstan syndy kórshiles elderge de jol júrý qujattaryn satyp alýda.
Aıta keterligi, aldaǵy ýaqytta atalǵan jobanyń sheńberin ulǵaıtyp, barlyq qalaaralyq jáne halyqaralyq baǵyttardaǵy marshrýttardy ashý josparlanýda.