3 tonna bolatyn 87,53 myń altyn quımasy satylǵan.
Bıyl naýryzda qazaqstandyqtar 167,2 keli bolatyn 8,3 myń altyn quımasyn satyp alǵan, dep habarlaıdy Almaty-akshamy.kz Inbusiness.kz silteme jasap.
Satylǵan quımalar sany ótken jyldyń sáıkes kezeńimen salystyrǵanda 2,9 ese, al salmaǵy birden 3,5 ese ósken.
Qazaqstandyqtarǵa jalpy salmaǵy 3 tonna bolatyn 87,53 myń altyn quımasy satylǵan. Byltyr elde 1,1 tonna bolatyn 32,3 myń ólshem quıma satyp alyndy.
2017 jyldan 2021 jylǵa deıingi ortasha jyldyq jıyntyq ósim qarqyny – 69%. Ólshem quıma kóbinese Almaty, Nur-Sultan jáne Atyraýda satylǵan.
Altyn quımalar 5 túrde usynylǵan: 5, 10, 20, 50 jáne 100 g. Turǵyndar kóbinese 10 g quımany satyp alady. 2017 jyldan bastap 2022 jylǵy naýryzǵa deıingi onyń satylymdaǵy úlesi – 27% nemese 23,4 myń quıma. Keıin tizimde 20 gram – 18,2 myń quıma (21%), 100 gram – 18 myń quıma (20%), 5 gram – 16,8 myń quıma (19%), 50 gram – 11,1 myń quıma (13%).
Aıta keteıik, 2017 jyldan beri Ulttyq bank affınırlengen altynnyń sertıfıkattalǵan ólshem quımalaryn satady. Ondaǵy maqsat – qazaqstandyqtarǵa qarajatty únemdeý jáne qosymsha ınvestısıalyq quraldy usyný.