Al qaldyqtardy qaıta óńdeýdi 40% deıin jetkizýimiz kerek. Ekologıa jáne tabıǵı resýrstar mınıstriniń mindetin atqarýshy Erlan Nysanbaev osylaı dedi.
Bul jumystar jasyl ekonomıkaǵa kóshýi jónindegi tujyrymdamaǵa sáıkes atqarylyp jatqanyn jetkizdi. Jıynda qatty turmystyq qaldyq polıgondarynyń máselesi de kóterildi, dep habarlaıdy Almaty-akshamy.kz
El boıynsha úsh myńnan asa polıgon bolsa, onyń 80 paıyzǵa jýyǵy ekologıalyq jáne sanıtarıalyq normalarǵa saı emes. Sondyqtan alda osy máseleni sheshý kerektigi aıtyldy.
«Ákimdiktermen jáne ortalyq memlekettik organdarmen birlesip shaǵyn jáne shalǵaıdaǵy eldi mekenderde qatty turmystyq qaldyq polıgondaryn resimdeý tetikteriniń pysyqtalyp jatqandyǵyn atap ótken jón. Atap aıtsaq, osy oryndarǵa qoıylatyn mindetti eń tómengi ekologıalyq, sanıtarıalyq-epıdemıologıalyq jáne qurylys salasyndaǵy talaptar talqylanýda», - dep habarlaıdy QR ekologıa jáne tabıǵı resýrstar mınıstriniń mindetin atqarýshy Erlan Nysanbaev.