Tanymal qazaqstandyq vaıner Meıirjan Tórebaev pen Meıirhan Shernıazovty qamaýda ustaý merzimi taǵy bir aıǵa uzartyldy, dep habarlaıdy Almaty-akshamy.kz QazAqparatqa silteme jasap.
«Almaty qalasynyń mamandandyrylǵan aýdanaralyq tergeý sotynyń habarlaýynsha, 18 qarashada sot sheshimimen kúdikti Meıirjan Tórebaevtyń qamaýda ustaý merzimin qylmystyq is materıaldarymen tanysý kezeńinde bir aıǵa, ıaǵnı 18 jeltoqsanǵa deıin sanksıalaý týraly tergeý organdarynyń ótinishi qanaǵattandyryldy. Sheshim zańdy kúshine engen joq», - dep habarlady Almaty qalalyq sotynyń baspasóz qyzmeti.
Sondaı-aq, sot Shernıazovqa qatysty qaýly shyǵardy. Onyń qamaýǵa alý merzimi de taǵy bir aıǵa uzartyldy.
«Sot sheshimi boıynsha, kúdiktini qylmystyq is materıaldarymen tanysý kezeńinde qamaýda ustaý merzimin bir aıǵa, ıaǵnı 19 jeltoqsanǵa deıin sanksıalaý týraly tergeý organdarynyń ótinishi qanaǵattandyryldy», - dep atap ótti sot ókilderi.
Eske salaıyq, Meıirjan Tórebaev pen Meıirhan Shernıazov QR Qylmystyq kodeksiniń 217-baby 3-bóligi boıynsha Almaty qalalyq polısıa departamenti tergeý basqarmasy tergep jatqan qylmystyq is boıynsha kúdikti retinde tanylǵan edi.