Álemniń 190-raketkasy D.Evseev irikteý saıystarynyń birinshi aınalymynda dúnıejúzilik reıtıńte 306-orynda turǵan aýstralıalyq Lúk Sevılmen kezdesti.
Bastapqy sette aýstralıalyq tenısshi 6:2 esebimen basym túskenimen, Evseev tarazy basyn aýdara aldy – 6:1, 6:3. Eki saǵatqa jýyq ýaqytqa sozylǵan tartysty machta Denıs 2 eıs jasap, 14 breık-poınttyń altaýyn óz esebine jazdy, dep habarlaıdy Almaty-akshamy.kz.
Qarsylasy 5 eıs, 5 breıkpen (13 breık-poınt) kózge tústi. Álemniń 222-raketkasy Tımofeı Skatov reıtıńte orny joq taǵy bir kort ıesi Hú Ýınterdi bir saǵatqa jetpeıtin ýaqytta 6:0, 6:2 esebimen ońaı jeńdi. Ol 2 eıspen birge 5 breık-poıntty túgel paıdalandy.
Denıs Evseev irikteý saıystarynyń fınalynda álemniń 217-rakateasy, bosnıalyq Nerman Fatıchpen, Tımofeı Skatov reıtıńte 1388-satydaǵy aýstralıalyq Keısı Hýlmen talasady. Qarsylastaryn jeńse, negizgi jarysqa joldama alady. Júlde qory 164 myń AQSH dollaryna baǵalanǵan atalmysh doda 1-7 qańtar aralyǵynda ótedi. D.Evseev pen T.Skatov Aýstralıa ashyq chempıonatynyń irikteý saıystaryna qatysatyndyqtan, oǵan deıin daıyndalyp alýdyń mańyzy zor.